Ципрофлоксациныг бэлдмэлд мэдрэг нянгаар үүсгэгдсэн дараах халдвар үрэвсэлт өвчний эмчилгээнд хэрэглэнэ. амьсгалын замын халдвар; чих, хамар, хоолойн халдвар; бөөр ба шээс ялгаруулах замын халдвар; бэлгийн замын халдвар (заг хүйтэн, простатит), эмэгтэйчүүдийн (аднексит) ба төрсний дараах халдвар; хоол боловсруулах замын халдвар (түүнчлэн шүд, эрүү, амны хөндийн), цөсний хүүдий, цөсний замын халдвар; арьс ба салст бүрхүүл, зөөлөн эдийн халдвар; хөдөлгөөн-тулгуур эрхтэний тогтолцооны халдвар. Түүнчлэн ципрофлоксациныг үжил, перитонитийн эмчилгээнд хэрэглэхээс гадна дархлалын дутмагшилтай өвчтөнд (дархлал дарангуйлах эмчилгээний үед) халдвараас сэргийлэх эмчлэх зорилгоор хэрэглэнэ.

Словени

1мл судсанд тарихад зориулсан уусмалд 2мг ципрофлоксацин агуулагдана. 50мл уусмалд (1флакон) 100мг ципрофлоксацин агуулагдана. 100мл уусмалд (1флакон) 200мг ципрофлоксацин агуулагдана. 200мл уусмалд (1флакон) 400мг ципрофлоксацин агуулагдана. туслах бодис натрийн лактат, натрийн хлорид, давсны хүчил, тарианы ус тус тус агуулагдана.

Судсанд тарина. Ципрофлоксацины тун өвчний явц, халдварын хэлбэр, өвчтөний биеийн байдал, нас, жин, бөөрний үйл ажиллагаа зэргээс хамаарна. Бэлдмэлийг хэрэглэх ердийн тун: судсанд тарих 1 удаагийн тун 200мг (хүнд халдварын үед 400мг) бөгөөд хоногт 2 удаа хэрэглэнэ. Эмчилгээний үргэлжлэх хугацаа өвчний явцаас хамаарч 1-2 долоо хоног, шаардлагатай үед үүнээс удаан байж болно. Тарилгын уусмалыг судсанд урсгалаар тарьж болох боловч ба судсанд дуслаар 30 минут (200мг) буюу 60 минутын (400мг) туршид хэрэглэх нь илүү тохиромжтой. Цочмог заг хүйтний үед 100мг-р 1 удаа судсанд тарина. Хагалгааны дараах халдвараас урьдчилан сэргийлэх зорилгоор мэс заслаас 30-60 минутын өмнө 200-400мг-р судсанд тарина.