Метформин Денк 1000  нь цусан дахь сахарын хэмжээг багасгах үйлдэлтэй бэлдмэл бөгөөд 2 хэлбэрийн чихрийн шижин, ялангуяа илүүдэл жинтэй өвчтөнд хоолны дэглэм барих болон биеийн хүчний дасгал нь дангаараа цусан дахь сахарын хэмжээг хангалттай хянаж чадахгүй байгаа тохиолдолд хэрэглэнэ.

Насанд хүрэгсдэд: Метформин Денк 1000  бэлдмэлийг дангаар нь болон инсулин хийгээд чихрийн шижингийн эсрэг ууж хэрэглэдэг бусад бэлдмэлтэй хавсарч хэрэглэж болно.

10-с дээш насны хүүхэд ба өсвөр үеийнхэнд: Метформин Денк 1000 бэлдмэлийг дангаар нь болон инсулинтай хавсарч хэрэглэж болно.

Метформин 1000мг

ХБНГУ

Метформин Денк 1000 бэлдмэлийг эмчийн зааврыг нарийн баримтлан хэрэглэнэ. Хэрэв ойлгомжгүй зүйл байвал эмчлэгч эмч болон эм зүйчээс асууна.

Метформин Денк 1000 бэлдмэлийн тунг эмчлэгч эмч цусан дахь сахарын хэмжээнээс хамаарч хүн бүрт өвөрмөц тогтоох бөгөөд үүний дараа цусан дахь сахарын хэмжээг тогтмол хянана.

Нимгэн бүрхүүлтэй шахмалыг бүтнээр нь хооллох үед буюу хоолны дараа хангалттай хэмжээний шингэнээр даруулж залгиж ууна. Хэрэв хоногт 2 ба түүнээс дээш нимгэн бүрхүүлтэй шахмал хэрэглэх бол хоногийн тунг өдрийн турш хуваарилж хэрэглэнэ. Жишээ нь 1 шахмалыг өглөөний цайны үед буюу дараа, нөгөө шахмалыг оройн хоолны үед буюу дараа гэх мэт хэрэглэнэ.